Janë mbyllur të pesë ndeshjet e javës së gjashtë në elitën e futbollit kosovar, ku nuk munguan përballjet e forta dhe golat.

Gjithçka nisi të premten kur Prishtina arriti të shënojë fitore ndaj Dukagjinit me rezultat 3-0.

Albin Krasniqi shënoi dy herë, ndërsa një gol e shtoi Rigon Lugiqi.

Llapi arriti të shënojë fitore ndaj Ferizajt me rezultat 1-0, me golin e shënuar nga Ahmed Januzi.

Në anën tjetër, Suhareka ka fituar në shtëpi ndaj Feronikelit 74 me rezultat 2-0, me dy golat e shënuar nga Mevlan Zeka.

Malisheva ka vazhduar me fitore në shtëpi, duke mposhtur kësaj radhe Gjilanin me rezultat 2-1. Vesel Limaj dhe Laurant Xhylani shënuan për vendasit, ndërsa Edi Basa shënoi për mysafirët.

Në derbin e kësaj jave, Drita arriti t’i marr tri pikë ndaj Ballkanit, duke fituar me rezultatin 1-0.  Golin e vetëm në këtë derbi e shënoi Albert Dabiqaj në pjesën e dytë.

Në vendin e parë është Suhareka me 13 pikë, aq sa ka edhe Malisheva në vendin e dytë.

Në vendin e tretë është Ballkani me 10 pikë, aq sa kanë edhe Prishtina dhe Llapi.

Drita është e gjashta me 9 pikë pas katër ndeshjeve, ndërsa Dukagjini është i shtati me 6 pikë.

Gjilani është i teti me 5 pikë, ndërsa Ferizaj ka 4 pikë në vendin e nëntë.  Pa pikë ende pas gjashtë ndeshjeve është Feronikeli 74 në vendin e fundit.